العراق الجريح

عراق ورغم جرحك واكف ايمام
وصرت لهل الصبر كبه ومناره
شلت حمل النبوه بذني الايام
وحدك لاعلي وقله انصاره
اشوفنك محمد بين الاصنام
واشوفن ذبحتك ما منها جاره
لان محد قبل بفراشك اينام
ولان ذبحو حمامات المغاره
{واقرأ بسم ربك}زيف الاوجوه
وعلى اوجوه العرب نزلو الستاره
واخبر قلتك والامنو بيك
والفخر للظل علم ماعاف داره
يثرب موش الك والخزر واوؤس
كفرو بيك زدو للحجاره
عراق وكلبي وحيك ون جاشي
المذلهى شي يبويه والنجى شي
يثرب كلها ضدك والنجاشي
مسح خطه ورجع للجاهليه
عراق ومن تعرج للسماوات
واخذ ربطه كصيبه بت البيوت
الخّفت على الطبل بيم الحضاره
واخذ شيبه لحيتك ملحه الكاع
واسأل شيبتك مابيها شا ره
عراق وسدلي بيبان السفارات
ودخيلك بيك الك افتح سفاره
انكسرت ومو حديدانه ولاحماك
وطحت لامن بشر عانك ولاحماك
عراق الباعتك دمك ولاحماك
وكفر وايهود صارو مشتريه
عراق واذهلت كل مرضع اليوم
ووضعت كل ذات حمل بكل جداره
وترى الناس سكارى ياوطن بيك
وحك عينك ابد ماهم سكارى
هذوله الفكدو بغدادك اولاد
وسكرهم تعب من كثر الدواره
وطن بغداد كعبه منسك ارك
وكار ه ضيم اشيلك منسى كارك
الزم ماشاف اعجب من سكارك
الك شربو نخب كاس البمنيه

تحياتي محمد الكتلوني العراق الجريح 5