ابوذياااااااااااااات لا اتفوتكم جديد

مرد دنياي أحسن ماردتني
وخذتني بعيد مني ماردتني
يصاحب چيف ردتك ماردتني
وأمس بس كون أمر تبوس أدية
_____ عباس _____
ماي آنة وطباعك ماشحتني
وليالي ألعوز بيهة موشحتني
ترة ألكلك شحتتة ماشحتني
شحتتة ومن شرد فرهة علية
_____ عباس _____
أنة ألشديت جرحك ليش
حليت
علية وحلة ألطلاب
_حليت
_ذكرتك بأمتحاني وغلط
حليت
شجاوب وأنت شاغل حتى أدية
_____ عباس _____
أكل للروح وين أنتي خطيتي
تكلي مذنبة وأصلح خطيتي

إبركبتك ياترف ضلت خطيتي
________عباس______‏
وبركبتي لاتظن صارت خطيتك
_وأنة بجروح دلالي خطيتك
إشچم مرة ألف مرة خطيتك
وأكول أعفيه مايحمل أذية
_____ عباس _____
يدنية شبيج بس وياي
صحتي
علية ألضيم فوك ألحزن
صحتي
ينشدني صديجي شلون
صحتي
شجاوب وآنة كل ألضيم بية
_____ عباس _____
ملة واحد دليلك يوملة أثنين
وجفك ليش صاير يومي لثنين
رحت مني يخايب يوم الأثنين
وأظل أنطر ثنينك ترد لية
_____ عباس _____
ألشجي يشجي ولايشجي شجاكم
وإجاني ألفكر ماجاكم
شجاكم
أمس چنتو تمرولي
شجاكم
گــطعتو ألروحة وألجية علية
______ عباس ______
أمس بالطيف شخصك يخي
مرلي
وگـلتلة فراگــك أصبح حيل
مر لي
أظنن چي گــلت للبيت
مرلي
ضجت مني وگـطعت ألوصل بية
_____ عباس _____
إلك ياما أوامر ضيم
لبيت
وروحي إشچم طلب بس إلك
لبت
إشيظرك ياترف لو تمر
للبيت
وتجيني وتشرك بهمي ألعلية
_____ عباس _____
أجاني ألفرح منك لچن
مرة
وفرگـتك جربتهة وحيل
مرة
يخي للبيت لو مريت
مرة
أطش ألبيت لجلك واهلية
_____ عباس _____
نظرتك غير واحد
من نظرتك
وتظل منك مضرتي
ومني ظرتك
أعرفنك شرايد
من نظرتك
گبل لاتحچي أدري ألصوج بية
_____ عباس _____
يخي كلبك جفانة يونسانة
وكبل طبعك يونس يونسانة
صفة حبك ألحوتة ويونس آنة
إنبلعت وضلمت ألدنية علية
_____ عباس _____
ألفرح لمن جفانة طاح حظنة
وحظنة بيوم لاكن موش حظنة
أحسة إبعيد وآنة بوسط حظنة
وأحسة إشما كرب يبعد علية
_____ عباس _____
ربيت وودهري علمني
وعضني
وأعض يابس وأعض أخضر
وعضني
أخوي أصبح جلب ينبح
وعضني
ونسة من جاع وكلتة بدية
_____ عباس _____
حبل ودك كطعتة شربلية
وكلتلك كاس همي شربلية
تضحكني إعلة حالي شربلية
وتبجيني ألمصايب بس علية

تحياتي محمد الكتلوني