ابوذياااااااااااااات لا اتفوتكم

انا شاب وهمومك عجزني
وظل ابجي يصاحب عالجزني
شرط مو كل شروطك عجزني
شرط امسح بياض الشيب بيه

لبس شاله وعباته وسله بيده
واخذ كلبي بجماله وسله بيده
سيف الدهر بكرابه وسله بيده
حرام ايصير وي دهري عليه

تاه العگل وانته تعرف ونته
ودليل المحب باسك تخف ونته
محمد سيد الاكوان.... وانته
وصي المصطفى وللرب وليه

انا المرعدت ثوبي كبل لاجن
وغيرك ما احبن لا انس لاجن
مشن عني ليالي الفرح لاجن
وبس بشوفتك يرجعن اليه

ياصاح گلبي على الهجران مرنته
واشوفنك حلو وبالأصل مر انته
شيصير لو كل سنه تمر مره انته
نحب طاريك يبو نفس الابيه

عليكم صرت ما لايك مرهملكم
بالمرض بس انة اصبحت مرهملكم
احبابك مو عسل جانوشو مرهملكم
حيل وياك يابو النفس الدنية

وحك الي خلق بلكونين آلاء
مثل عين الغزالة عيون آلاء
امد ايدي عليهه اتكول اوه لاء
تأدب لا تمد ايدك عليه

جروحي تحرشن بيه وعالن
وانه الما كاشف همومي وعالن
بحلاة النوم فز كلبي وعا لن
اخوتي وربعي اجو جتاله اليه

شفت بالطيف شخصك سالماني
همت ودموع عيني سالماني
علي تسأل ياصاحب سالم اني
عزيز وشوفتك شحت عليه

حبك شامة بخدودي ودكة
واحط بالكلب بسمارك وادكة
شكم دكة شفت منك ودكة
ورغم كل هذا حبك موبدية

ما ظن بعد وسط العين ظل ماي
يشمعة الــــــــــدنيه بغيابك ظل ماي
ما سامع يعمري ابيوم ظل مـــــــاي
الظل لشجر واضح هـــــوه فيه

أسم الافراح بعدج مــــــــا لفاني
اوحجيي اوياج واضح مـالف اني
يـجفن الفـــــه جثتج مـــــا لفاني
وأصير انــــي الأموت وانتي حيه

بعدكم ناري ما تطفي وانا شاب
اوهجركم شيب اكليبي وانا شــــاب
وادري انتو جـرح ماضي وانا شاب
اوشب ابلا جــرح صعبه القضيه

يحبابــي الجسد أنتو وراسي
اوحبكم نايم ابكلبي وراســــــــــي
اوحرف البي صدكوني ورا ســـي
اومثل هــــذا الحرف أنتو أليه

علي ضيمج يدنيه اليوم نصي
أذا خـذتي الحبيبه ايموت نصي
ولئن ادري يـبجـي الناس نصي
قــــــــررت اعــتذر للـون عليه

يل رمشك ظلام اوثلج سنك
امش الله عليك اشكثر سنك
يا سيف ابركبتي ايصير سنك
أذا ما حسنه شل اثنين اديه

يصاحب عاين لعلتي ورمهه
شجيه ولا اظن يشفه ورمهه
احبهه وهي تمشي ورمهه
وتحبني وانه يلولون بيه

معاد الناس كلهة وانتة أصلي
مثل غصن بفروعك وانتة أصلي
راح اوكف ابابك وانتة اصلي
وكل طلقة التجيني ضماد الية

اذا ترفس بنص كلبي ...لهم بيك
بجمالك عائله يوسف... لهم بيك
امس شفت العسل طايح لهم بيك
وشفت النحل حط شفتك خليه

روحي وياك يسمر راحت آني
وراح انتظر جيتك راح اتاني
ضل مشلوع كلبي وراحتي اني
الكاهه من تجي ونكعد سويه

وحك اهل الوفه والملح والزاد
الكرم افضل معاني الشيم والزاد
حلالي مايهمني النقص والزاد
تهمني الناس شتسولف عليه

تحياتي محمد الكتلوني