الدمع نهران بخدودي كراهه
حبيبي سلب من عيني كراهه
ليش امحبتك صارت كراهه
اشبده مني وتشمت اعداي بيه
_____________
الدمع مرات مو بس حزن..يعني
ثكيل وبس عليك الجدم..يعني
على احوالة سألته وكال..يعني
ومعنى اليعني مالك غرض بية
____________
نص احترك من هجرك ونص طاف
وغرك نصي ابحر حبك ونص طاف
يريت المدرسة ترجع ونصطف
وابدلك بالعلم واخذ تحية
__________
عجب مامر عزيز الروح بس لاح
رماني وردت ارد السهم بس لاح
لجيبك لو تصير اليوم بسلاح
وتداوي جروح علاتي الخفيّه
تحياتي محمد الكتلوني
الجمعة 26 سبتمبر 2008, 10:37