ابوذيات

عساها بكلب دنيانا وكلبين
اريدلها جسم صاحي وكلبين
اشو الحلوات شافني وكلبلا"
يمكن الكبر بين عليه

------------------------------

وسفه الزمن وياكم وضعنه
مشينا كلما" بدربه وضعنه
لاتحاول بعد مايصلح وضعنه
ايست منك وخسلت اثنين ايديه

-------------------------------

بدمع عيني اكتبلك خاطراني
ولك مايوم كاسر خاطر اني
غير انت تجيني خاطر اني
اجيك واعتني خصبا" عليه

--------------------------------

قضية اسمك على اسمك ماشخطنه
ازدحام احنه على دربك ماشخطنه
اشتظن من كد حلاتك ماشخطنه
ليشوفك ينشخط مية بالمية

---------------------------------

سماك حلو اسمك وابوك اشلون سماك
حبيبك لو زعل وياك سماك
صرت سمجه وانت اشصرت سماك
لو طحت بحظنك اعطف عليه

----------------------------------

عليّ ثوب الونــــين اشكثـــــر حالي
شباب وهل شبت من دون حالي
انشدچ على احوالچ مثل حالي
طايــــــــح والهموم اتشيل بيـــــــــــــــــــــه

تحياتي محمد الكتلوني