بسم الله الرحمن الرحيم
تحياتي لكم اني اخوكم علي الكتلوني
سوف ابدأ بحياتي اليومية (هذه الايام) وليس يوم محدد
وانا طالب في كلية شط العرب
المرحلة الاولى قسم المحاسبة
حيث استيقظ صباحا في ساعات مختلفة اذا كان يوم عطلة او ماكو
دوام اكعد الساعة التاسعة والنصف او العاشرة حسب نوعية السهرة
واذا كان دوام اكعد الساعة السبعة صباحاً وبالكوة يعني الله ايساعد الواَلدة كلساع
اتكعدني او اكعد بثمانية صباحاً حسب المحاضرات
ثم تواجهني المشكلة الثانية وهي الفطور …. انه من اكعد ما اشتهي اَكل بس شسوي
ايصير غصبن علية…… الله كريم لازم انجرعة
انوب اروح للكلية وصايرة الحياة روتينية بالكلية يعني نفس الوجوه يومية ونفتر الكلية باليوم
5-6مرات او نكعد بالنادي وهذا يعني بعد المحاضرات ترة مو عبالكم لأن احنة ما نعوف المحاضرات
ونديح هع هع هع هع ………بس ترة حياة الجامعة حلوة يعني اربع سنين من العمر
والنوب نرجع للبيت لو انلحك عالغدة لو لا ومن اتغدة عندي اثنين اشياء مقدسات
اكلاص جاي والنوم هذن الاثنين غير قابلات للنقاش …وبعدين من اكعد من النوم لواطلع برة البيت
والعب طوبة لو افتر بالدراجة الهوائية(البيسكل) وهي الهواية المفظلة عندي لو اكعد على الانترنت
وين انروح(حدايق) وبعدين اتصير مغرب نرجع للبيت لو اروح يم جماعتي نلعب دومنة لو نسولف
ومن ارجع للبيت ادرس اذا عندي امتحان واذا اكو لعبة بالدوري الاسباني لازم اشوفهه ما تتفوت
البرشا او الريال ماكو فرق ثنيناتهن اشوفهن ومن اخلص لازم قبل النوم اباوع تلفزيون الافلام
ما تتفوت وخاصةً الاكشن……….ومن اخلص انعس وانام
تحياتي الكتلوني
السبت 03 مايو 2008, 15:30
