دكافي من البعد ياترف بس بس
ومنو البذنك علة الهجران بس بس
كبل تركض تجي لو صحت بس بس
شجاك شغيرك هسة علية
هذاالك موش اعليك كلبي
اعز الناس والله واعز من كلبي
حبيبي لولاك ماينبض كلبي
يرف ويموت لو ماتمر عليه
احبابي بالخجل واضح حياهم
وكبل ماسلمو كلبي حياهم
اذا عيسى الكضو موتة حياهم
احبابي بضحكة ردو روحي لية
حبك من شفاف القلب عتباي
ولانوبه أذكرتنا واوصلت عتباي
أعتب مانفع وياك عتباي
على ياهي أزعلت واقطعت بيه
تبنا من العشق واردود عدنه
وحسبنا اسنين مره وتاه عدنه
أهوايه بالسلف حلوات عدنه
لون روحك صدق خضره وطريه
ها يل جنت مني وجنت مناك
علي منيت واني قبلت مناك
ياخلي ليش دربك صار مناك
قروا بذنك تريد اتخون بيه
انة اول احبك واخر اني
وسبب العطلني اجيلك واخراني
الگلب من ردت اشبگك وخراني
ركض مني يشبكك كبل ادية
منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية
تحياتي محمد الكتلوني
الخميس 01 مايو 2008, 21:25