عشرتك روحي صدك..ما تملها
وكلبي ايام سعدك.....ما يملها
اريد انصب عزه النفسي..مأتم الها
واشوفك هم تجي وتبجي عليه
.................................................. ...........
لو مره تمر مثل ..الشماته
وانا لنحرك يالاسمر وك..شماته
ولك مغرور كالولي...بشماته
صحيح ابشامتك تنغر عليه
.................................................. ............
لو تذكر رباي وياك..والعن
ولا تنغر على الي بيك..والعن
فرضنا لو اسبك حيل..والعن
هم بغيض وك تزعل عليه؟
.................................................. ..............
لو تعرفني احبك...وشتمنك
ولان منطي للواشي..وشتمنك
اريد اليوم احضنك..وشتمنك
واشوفك هم تذب روحك عليه
.................................................. ..............
لو رأسا تكلي ارجوك...هدنه
وتعاركني وتريد النوب..هدنه
ولك والله العشك وياك..هدنه
مريض انه تعال اسئل عليه
.................................................. ................
لان ما اريد اشوفك يوم..حزني
وتدري ابسيف هجرك ولك..حزني
كلبك انت وحدك الي..وحزني
و(حيازه وحمل)سلمتك بديه
..............................................
تحياتي محمد الكتلوني
الخميس 01 مايو 2008, 21:23