*على ذاك الجدار اللي على حد البيوت
وقفت وهاجس الذكرى نفض غباره..
وفي ذاك المكان ثبت إن الآدمي من طين
تخيل يوم لمسته تنهد من شقا ناره..
سألني وقال أنا أذكر تجوني اثنين
بكيت وقلت صدقني رحل وانقطعت أخباره
*سافر حبيبي مابقى غير تذكار
تذكار عين للمحبة سهيره
سافر وقلبي من عنا البعد صبار
مبعد من عيوني وقلبي يديره
أجامل الضحكة وقلبي على نار
والجمر في جوفي تزايد سعيره
* لو طالت الأيام عايش لذكراك والله لصونك لو تطول الليالي
أبوعدك ياصاحبي ماتناساك
انت الذي لولاك ماراح حالي
انت الوحيد الي تمنيت لقياك
وانت الوحيد الي لك الشان عالي
تامر على روحي والعين تفداك
*تذكرتك وانا ساهي وهلت مني الدمعة
ذكرت ايامنا الحلوه وحنت نفسي للرجعه
*تذكر صاحبك وأرجع
تقرب له ولو بالصوت
على اخر نفس واقف
تجي والا يجيه الموت
وأشوف الموت أحرص منك
وأشوف انك تبي موته
واخاف انك بعد موته
تحن وتفتح التابوت
واخاف من القهر يقفل بوجهك باب التابوت
* خوفي أكون ذكرى يمحيها العمر
أو رسالة تبتدي بكلمة أحبك وتنتهي بكلمة شكر
* بعض الناس فرقاه بشرى, وبعضهم لاغاب صارذكرى, لكن غيابك انت جرح مايبرى.
تحياتي محمد الكتلوني
الخميس 01 مايو 2008, 07:49