السلام عليكم
كافي ارهاب
يا شعب العراق شوكت نرتاح وننسى المأآسي
والله مشتاك اني للعراق ومشتاك لاعز ناسي
ما اظن يجي اليوم اللي بي نرتاح لان الناس التهوا بس بالكراسي
والشعب بالظيم عايش يا عراق جوع وفقر ومأآسي
هذا اللي يموت وهذا اللي يعزي وذاك اللي يواسي
والزمن ما يرحم يا عراق الزمن لعين وقاسي
والعراق المسكين ساكت طول السنين يكول اخاف احجي ويكصون راسي
والله حته اللي يذبح طير ويتعمد في كل تقصير
حته اللي يمشي بعكس السير هذا ارهاب وعنف وقسوه
الله اكبر الله اكبر كل يوم شكد تسيل دموع تروح بيهه ناس ابرياء
شنو لعنة بشر لو لعنة سماء من تمطر بالعراق بس تمطر دماء
والشعب صابر على الجوع ويكابر كبرياء
هذا الوطن يريد افراح صار اجم سنه ما مرتاح البارود انبدله بقداح
كافي ارهاب وعنف وقسوه
جنه نسمع بالشهر يوميه واحد يموت هسه نسمع يوميه مئات الاسماء
ما عاش اللي يأذي شعب العراق وينتقم من ناسه البسطاء
بس القوي اكو اقوى منه ويبقه الله الجبير وينطر للناس الابرياء
كافي ارهاب وعنف وقسوه كل خطأ بهالعالم قسوه
اللي ميحب الناس وما يهوى هذا ارهاب وعنف وقسوه
اللي ما يعرف اسباب جروحه ويمه اطفال يفجر روحه يقتل لعابه ومرجوحه
هذا ارهاب وعنف وقسوه
..............................................................................................
اليوم يومك يا عراقي
اليوم يومك يا عراقي هلا يابو الغيرة ..
العب العب خليخصمك دوم يبقة بحيرة
والدك امك و اخوتك تنتضر نصرك تجيبة
و بين حلوات المحلةبيك تتباهة الحبيبة
الشعب عينة عليك العلم رفرف بين ايدي
دوم يبقة الفوز النة و مارضينة بغيرة
الاسد يمشي علة جرحة و مايبين بيجريح
هذا طبعك ياعراقي و ما يصح الة الصحيح
يابطل كل الملاعب امنوك اهلك امانة
و العراقي دووووم فايز ماتعب عمرة و زمانة
العب و هزالشباااااااك الشعب كلة ورااااك
دوم يبقة الفوز النة و مارضينة بغيرة
انتة موبس لاعب انتة انتة في ساحةجهاد
العب و شوفالعالم عظمة هذي البلاد
هاي بغداد الحبيبة تنتضر منك بشاارة
فايز انتة بعوونالله وابد ماتعرف خسارة
خلي حيل الدنية بيك التعب لا يبينعليك
دوم يبقة الفوز النة و مارضينة بغيرة
......................................................................
موال / باجر نرد
يااااابه يااااابه يااااابه يااااابه
يابه باجر ان شاء الله باجر .. باجر نرد لبلادنه
باجر تجي ويانه الشمس مشايه عند احلى عرس
وتنزل تمشد كذلتج بغدادنه باجر يجي البياع ويه المنصور
وصوت الهلاهل هلاهل يوصل السبع قصور
ونبجي بحضن زيونه وترابهه يشمونه
ولازم ننشف دمعتج بغدادنه
لازم نرد لبلادنه
الكراده تعبهه الصبر الفضل واكف ينتظر
الصالحيه شكد بجت نادت علينه وعاتبت
أي يمته تجون احبابنه
لازم نرد لبلادنه
موال / اول حضاره
ياااااااااابه ياااااااااابه ياااااااااابه ياااااااااابه
بنيت اول حضاره وتشهد الناس
وعلقت الجنائن بالجميلات
وبابل ذيجه لو رايد انجازي
فضت ويا الفرات بحرب تشرين
وعلى الجولان دمي ظل مجازي
طحت بكفر قاسم يوم داسوا
وبعدهه كبورنه ادور تعازي
ياهو المانخانه وطحنه ويا
شعجب لليوم ما سألوا عزازي
عن ابني الحليب اليوم مكطوع
حليم الكم جنت هيج التجازي
لك اني ابن السماوه وابن ذي قار
وابن البصره لا تحاول افرازي
اني ابن السماوه وابن ذي قار
وابن البصره ويتعبك طرازي
انا ابن الرمادي وابن بغداد وابن كركوك
لا تحاول افرازي
صلاح الدين ما مات على بغداد
مات على القدس ما قبل نازي
تره صلاح الدين ما مات على بغداد
مات لاجل القدس ما قبل نازي
عراقي اني عراقي اني وبدون تزوير
عمت عين الوكت والله ومخازي
صرت مرفوض من كل السفارات
ولا فيزه الرضت تختم جوازي
بنيت اول حضاره وتشهد الناس
موال / يا وطن
انت تعرف يا وطن مبيوع ليكَدام ... انت تعرف يا وطن مبيوع ليكَدام
تعرف يا وطن مبيوع ليكَدام
لان كلهم ع الحدود محضر سلاله
لا تعتب عليهم بعد ما يفيدون
لان بعض الزلم حب الوطن من الكَلب شاله
لا تعتب عليهم بعد ما يفيدون
موال / بجيت لوحدك
ياااااااااااابه ياااااااااااابه
ياااااااااااابه ياااااااااااابه
يابه بجيت لوحدك محد بجه وياك
لان ما تحتاج دمعة بدون غيره
مسحت دموعهم من هدت الخيل
وحفضت عرو وشيوخ وعشيرة
ياهو الماشبع من نفط كركوك
وياهو اليوم عازمنه على خيرة
اعتب ع الشرب من لبن اربيل
واعتب ع اكل خبز الطوّيرة
وعتب ع السكَف من سمج ذي قار
واعتب ع الحجة حجاية صغيرة
اعتب ع الغفة بحضن ابو النواس
شلون اليوم دجله اتظل اسيرة
تقبل يا سعد رستم على الباب
وعلى نهر الفرات يصير سيرة
تقبل يا علي الفقار مهضوم
ومن كَبتك يبوكَـ النذل ليرة
احاسبكم على كل ما جرة وياي
وكلمن ذنبه بعيونه وجريرة
عراق واسمك يهز السماوات
ولازم ترجع تقود المسرة
بجيت لوحدك محد بجة وياك
لان ما تحتاج دمعة بدون غيره
الإثنين 28 أبريل 2008, 18:34