الـــــبـــــــــــــــــــــــــواري
تعودنة اعلى البواري خوش عادة اليوم
واضنهة الشغلة صارت حيل عاديــــــة
كاشخ اني جاي وبالعجل طبيـــــــــت
وشفتهة كبال عيني تدخل الكلية
حجيت وياهة اني وكلتلهة معجب بيج
احبج والله احبج صافية النيــــــة
اشو دلغم وجهة وعبست فد نـــــــــوب
وكلت بكلبي جنهة لاصت عليــــة
روح بعيد كالت ماني بخلك عشـــــاك
اذا انت التحبني اني شعليــة
مو بوري ابو الانج ضربتني ابو الانجين
وضربتني اعلى راسي ضربة حربيـــــــة
واظن اثر علية البوري كلش حيل
وشفت الناس تركص كلهة جوبيـــة
وبعد الضرية احس الدنيا عوجة وياي
واظن صابتني يمكن هوية شرجيــة
فتت من العميد كتلة هاي مستر جون
والدكتور كتلة شلونج خالة سعديـــة
ورحت اعلى الكشك مدري شجاني اليوم
اعاين عالجبس حسبالي شاميـــة
اكبر زوج والله الي يصارح اليــــــوم
واغم كلش اغم اليصارح بنيـــــــة
الأربعاء 23 أبريل 2008, 19:18
