اهواي افكر بيك تجبرني روحي ... ريت الافكر بيه يداوي جروحي
الجواب:
زين انت عندك روح واجروحك تروح ... من عرفتك لليوم ما عندي غير النوح
انطيني مهلة انساك شتضنها سهله ... روحي بلياك ماضنها تحله
الجواب:
انطيني مهله انساك يالماتحبني ... ماريدك انا اليوم لو موتتني
سددت سهمك علي وصوبت بيه الروح ... كل الجروح تطيب بس هذا مايروح
الجواب
من سددت سهمي عليك سهمك سبقني ... جرحك ما درسنا عليه دكتوري كلي
جس النبض بايديك ياولفي تلقاه ... يلطم على الخدين ويجر ألف آه
اوكف وكع للكاع واتوجه وانهض ... ما بيه عظم اصيح رضني الدهر رض
ان جان الدهر خلاك تتوجه وتكوم ... انه ازحف عللكاع خلتني الهموم
كلبي انحفر بيه بير ودراجة مرمر ... ونارك يا حلو لطول بالكلب تسعر
خط الكتبتة وجاك من دمعي حبرة ... كلبك سلاني ونام بس كلبي شصبرة
حسبالك انا انساك , والكعبه غلطان ... جوه الجلد واللحم يعني انته شريان
يلتنشد اعله الحال حالي انلعب بيه ... الجسم ضل عودان بهدوم اغطيه
اشوه انت ثوبك ضال اصبر للهموم ... الدهر شد وياي نزعني الهدوم
الخميس 17 أبريل 2008, 20:58
