بعيونك انام و اصحة كل يوم

بعيونك انام واصحة كل يوم
وبرموش الجفن انة ادفة واتغطة
اعيونك بحر لامو بحر ابحور
واني بنص ابحورك اصفة نكطة
صدفة هية صارت واني غركت بيك
وبعد رايد بعد اتجملني غطة
هية اعيون هاية وهم اسمهة عيون
كل رمشة جفن اتجيبلي جلطة
لو اعرف مكانة وادري وين ايروح
لظل ادور عليه واسكن بخطة
ولو اعرف يايابة بس البيت
اروح كبال بيتة انصب محطة
تدري من تمرانة ابقة بانذار
لان ادري انعلس ومتاني البطة
مكيفة العالم هم الهة سلطات
وانت من تجي سلطتك سلطة
لك هذا العراق يتأمن بيومين
اذا انتة تجي تعزل الشرطة
الك هيبة صدك من تجي وتفوت
وحتة الهوسة الك تنكلب سنطة
بجمالك الطفل صار شايب بيك
واجاك الشايب رايد اتكمطة
صحيح بالدنية هواي حلوين
لكن بالشغل بس واحد اسطة
لكن بالشغل بس واحد اسطة