وحك رمضان وصيامة ولمساك
ابد ماملن صباحك ولمساك
يسويهه البخت خايب والمسك
واحس الجنة صارت بين ادية
...............................................
مرضة بحبك وحبك شفانة
وتسامرنة ولا واحد شفانة
تذكر يوم من طبكن شفانة
احس ارض وسمة انطبكن سوية
...............................................
حبيبي شلون ما احبك ولابيك
وأمك ماتحن مثلي ولا بيك
عساهن بية لوعاتك ولا بيك
وحول كل وجع منك إلية
................................................
الصاحب ما ابدلة ابذهب لو مال
واصيرلة تجية للحمل لو مال
خاف ايكول مني تعب لو مل
أضل وياه لاَخر نفس بية
................................................
شعجب دفتر عشكنة ما تكلبة
وليش انت اليكلبك ما تكلبة
ترة كلبي ابغيابك مات كلبة
كلب كلبي توفة وعم علية
...............................................
كلبي شم عطر خدج وراساج
وعلى مرسة العشك حطج وراساج
احلف بالغزل واهلة وراسج
معوفنج لون تدنة المنية
................................................
الحزن جلب بثوبي فلافل
وشعري من القهر صاير فلافل
اكلة همبرغر ينطيني فلافل
وبطني من القبض هاجت علية
.................................................
تحياتي الكتلوني
الإثنين 14 أبريل 2008, 23:38
