يبستان العشگ فلاحك انه العام
زرعت اشواگي بيك وخضرت ورده
وگرب وكت الحصاد وجيتك انه اليوم
اشو لاشم عطر لا اشوفا الورده
يبستان العشگ احجيلي عن الصار
انا مسافر جنت كل هذي المده
يفلاحي استريح واسمع الاخبار
وذب حبل الحصاد ومنجلك هده
مر بينه غريب وهاي من شهرين
وتعلكت بيه وردتك صارت اتوده
وهوه يرسم عليه ويتعنه كل يوم
يمد أيده عليهه وهيه مترده
حاولت امنعهه ونهي الي صار
بديهه جلبت ما قبلت اتهده
عافت هل حديقه واعتنت وياه
كل ضنهه الوفه اشوفه منعنده
وجازاهه بغدر ما شافت الاحسان
ولا نامت العين بصحبته رغده
تعنيت انه ليها وجني ادك بالبيبان
اوصلت انه الغريب وقبل ما انشده
شفت وردتنه ميته بلا ذنب بالباب
وصاحبنه جديده الورده البيده
وصاحبنه جديده الورده البيده
تحياتي
الأحد 13 أبريل 2008, 15:31
