مايوم روض الوفة من الورود احمد
للمشة بخير وسعة واجب علي احمد
حب اوداد النبينة المصطفى احمد
دايم يظل متصل ياربي يشهد علي
خل يقسي بية الدهر ويزيد ضيمة علي
ماعوف حب الوصي وابقة ابولاية علي
بستان حيدر زهه هاك انظر الزهرة
والي يذبلي زهر ماهمة انه الزهرة
للموت اصيح ابحزن مضلومة يالزهرة
حب الزجية عمل مايصح مثلة حسن
وعروكي ماي الوفة من نهر ودهه حسن
عد يامرة منولد مثل الامام الحسن
الحنظل ابودهم عسل يشفافي بي لحسين
بحب ال طه ارتقي من احسن الاحسين
هنيالة كلمن صبح خادم صدك لحسين
الي يضدهم هلك لوعمرة ضل سجاد
لشيعتهم انة افرشت جفن النظر سجاد
ومنك خذيت الصبر يا سيد السجاد
بصبر العليل اعترف وك يا زمن باقر
عود الصبح للعلم بين الملأ باقر
ارسل سلامة النبي لمحمد الباقر
اهل الذكر مهجوم اخذوا عليه صادق
ما عدهم ابداً زلل كل قولهم صادق
جعفري انة وهلي وايمامي الصادق
خل يبرد ابشفرتة دهري ويحد موسى
عاشك وعكلي شرك جن العشك موسى
الحاجتك يا من ردت صد وجهك لموسى
كلمن كصد حضرتك بالخير رد ولرضا
نسحك ابعضم اليضد وانكسرة ولرضا
بالكاظم انة اقسمت ياسامعي والرضا
ودهم الروحي درع بيه المخاطر تقي
والبايع اَل النبي محسوب هذا تقي
يامذهب ايمامهم كلي جواد وتقي
مذهب الشيعة صبح للغانمة هادي
للشيعة عمري نذر وبلا ثمن هادي
عاشر انوار الهدى من الفاطمة الهادي
عسكري ابصدر الشعر ما ينهزم عسكري
جندي البني فاطمة واكضي العمر عسكري
لمن يهل بالنصر ابنك يهل عسكري
المتسمي بأسم النبي مهدي الامم احمد
صلو على محمد وعلى اَل محمد
ارجوا ان تعجبكم هذه القصيدة
تحياتي علي الكتلوني
السبت 12 أبريل 2008, 12:49
